Paola Bioc Gasser, che à cumplì 74 ani ai 7 de fauré, fova cunesciuda sciche mprenditëura cun si dita tl ciamp dl frabiché, ma dantaldut per si mpëni politich tla Südtiroler Volkspartei, che la à purteda a curì ncëries desvalives tl partit. Ëila ie stata sëurastanta dl SVP Ladina y nce vizepresidënta ladina dl partit y nchin tl 2012 a cë dl SVP Ladina.
Cun gran mpëni s ala te truepa ancuntedes a livel provinziel ma nce a Roma ddat da fé per mudazions al statut de autonomia per ti garantì ai ladins na majera raprejentanza te gremium provinziei y istituzions publiches. Combatù ala nce per purté ite l'automia dla redazion ladina dla RAI, che ie sën realtà, sciche nce per l aumënt dl'ëures de trasmiscion ladines tla RAI. N auter argumënt che ti stajova a cuer fova i lëures per la streda dla Val Badia. L ann 2012 ie Paola Bioc Gasser unida premieda cun la crëusc de merit dl Land Tirol.
Cun gran mpëni s ala te truepa ancuntedes a livel provinziel ma nce a Roma ddat da fé per mudazions al statut de autonomia per ti garantì ai ladins na majera raprejentanza te gremium provinziei y istituzions publiches. Combatù ala nce per purté ite l'automia dla redazion ladina dla RAI, che ie sën realtà, sciche nce per l aumënt dl'ëures de trasmiscion ladines tla RAI. N auter argumënt che ti stajova a cuer fova i lëures per la streda dla Val Badia. L ann 2012 ie Paola Bioc Gasser unida premieda cun la crëusc de merit dl Land Tirol.