De la sie protagonistes del film documetar de la regista Giorgia Lazzarini trei les è te Fascia: Roberta Silva sun Vael, Valeria Pallotta al re Alberto sun Gartl e Francesca Debertol sun Contrin.
Sie stories desferentes, da la jona che tol a fit la utia te n post pech frecuentà, a chela che va inant con l'atività te man de la familia da 50 egn incà, a chela che và inant perchè coscita essa volù so om.
Stories de dezijions che a condizionà la vita, de l'amor per la mont e de voler jir inant.
Stories de mames e de fies, de problemes che pel vegnir fora sa mont e de soluzions.