Per l otavo iede se à ancuntà l HC Gherdëina y i Rittner Buam te chësta sajon - y per l otavo iede ti va la vënta al Renon. Ma le Furie ne ti l'à nia fata saurì. L Gherdëina va danora cun Galassiti, amesa l segondo tëmp stajovela 2 a 2 (l segondo gol per l Gherdëina à fat Long), ma pona ne n'iel plu nia stat da nfé per la scuadra de Timo Keppo: 4 a 2 l resultat finel. Purempò iel bele sën segur, che l Gherdëina puderà de merz jughé i playoffs.
Ora de cësa à nce jugà l Cortina y l Fascia: Ntan che l Cortina à giut tenì permez al Puster, perdan ala fin mpo mo cun 2 a 3, à l publich a Feldkirch udù trueps goi: 5 a 6 pierd iló i Falcons. Da auzé ora l gran spirt cumbatif desmustrà dai jugadëures dl Fascia, a pensé che do mez juech stajovela 2 a 6 per l Feldkirch.
Tla tlassifica dla Alps Hockey League ie l SG Cortina cun 48 ponc y 34 juesc ala decima posizion, riesc do l Gherdëina cun 46 ponc y doi juesc deplù. L HC Fassa do 35 juesc y 11 ponc ala 17ejima posizion japé de tlassifica.
N merdi messrà l Cortina ji sun l Renon; l Gherdëina jugherà ncësa contra l Feldkirch. L juech tl stadio Pranives mët man dala 20.30.
Ora de cësa à nce jugà l Cortina y l Fascia: Ntan che l Cortina à giut tenì permez al Puster, perdan ala fin mpo mo cun 2 a 3, à l publich a Feldkirch udù trueps goi: 5 a 6 pierd iló i Falcons. Da auzé ora l gran spirt cumbatif desmustrà dai jugadëures dl Fascia, a pensé che do mez juech stajovela 2 a 6 per l Feldkirch.
Tla tlassifica dla Alps Hockey League ie l SG Cortina cun 48 ponc y 34 juesc ala decima posizion, riesc do l Gherdëina cun 46 ponc y doi juesc deplù. L HC Fassa do 35 juesc y 11 ponc ala 17ejima posizion japé de tlassifica.
N merdi messrà l Cortina ji sun l Renon; l Gherdëina jugherà ncësa contra l Feldkirch. L juech tl stadio Pranives mët man dala 20.30.