Trail
18 Fauré 2019 Ajorné da les 11:09
Sport

Campionac europeics de liösa sön pista artifiziala

Le capolaur dl team talian: lapró ince Ivan Nagler da Longiarü

A Oberhof tla Germania á le cuartet talian de liösa concuisté le titul europeich sön sön pista artifiziala, batón la Germania, che ê favorita.
Credic © Facebook/Andrea Vötter Gran sodesfaziun por i atlec. dmc Fabian Malleier, Ivan Nagler, Andrea Vötter y Dominik Fischnaller
Gran sodesfaziun por i atlec. dmc Fabian Malleier, Ivan Nagler, Andrea Vötter y Dominik Fischnaller
N gran dé por i atlec dla liösa sön pista artifiziala dl Südtirol. Le cuartet azzurro á davagné la medaia d'or tl team- relay l'ultim dé di campionac europeics a Oberhof tla Germania. Le campionat a scuadres, ince tlamé team- relay, é metü adöm da döes gares singules y üna dopla. Naota le singul feminil, spo chël di ëi y ala fin le dopl di ëi. 
I todësc é sta i aversars da bate te dötes les gares. Tla gara singula dles ëres, é Andrea Vötter gnüda batüda dala todëscia Natalie Geisenberger, tles atres gares é tres i atlec taliagn stá danfora. Dominik Fischnaller á batü Johannes Ludwig y tla gara a dui é le duo Nagler - Malleier stá plü asvelc co Wendl- Artl, ince sce ma cun n destach minimale de 0,116 secunc. Mo chi a basté, por la scuadra de atlec dl Südtirol y por le titul de campiuns europeics. Terzo post por la Lettonia. 
 

Al podess ince te interessé…

De autri articui Sport