L’ampezana de 22 ani à mantenì si bona forma di campionac dl mond de Seefeld nchin ai campionac naziunei a Campo Carlo Magno tl Trentin. L plu mpurtant di trëi tituli da campionëssa taliana à Anna Comarella venciù n dumënia sun i 30 chilometri a tecnica tlassica. Jita danora deberieda cun autra trëi atletes iela a mesa gara muceda danora y nchin ala fin ne ie plu deguna stata bona dla jì ala pië. La medema garejeda à nce valù per l titul sota 23 ani.
L di dant ie Anna Comarella deventeda campionëssa taliana tla stafeta mescededa. Chësc titul ala venciù cun i cumpanies dla grupa sportiva Fiamme Oro Simone Daprà y Federico Pellegrino.
L di dant ie Anna Comarella deventeda campionëssa taliana tla stafeta mescededa. Chësc titul ala venciù cun i cumpanies dla grupa sportiva Fiamme Oro Simone Daprà y Federico Pellegrino.