N auto à pià fuech

Fertuna tla sfertuna à abu na oma a mené si mut tal zënter Iman a Santa Cristina: deguni ne se à fat mel, ma l dann al auto ie grant

N auto à pià fuech
destudafuech S. Cristina
Fertuna tla sfertuna à abu na oma a mené si mut tal zënter Iman a Santa Cristina. La fova tan che ruveda canche la à senti fum te auto. Sun na tela ala ciala de parché de prëscia y ti l’à iusta fata a fermé l’auto y senté ora deberieda cun si mut. Riesc do à l’auto pià fuech. I Destudafuech de Santa Crestina ruvei adalerch cun 21 uemes à destudà la flames te curt tëmp. Mpo ie l dann al auto grant. 
Suzedù iel n lunesc ntëur la trei domesdi. Nia tleres ne ie la gaujes ciuldi che l’auto à pià fuech.
Aldo de Christoph Senoner, cumandant di Destudafuech, iel na fertuna che la flames ne sibe nia unides sù dant ntan che l’auto fova per passé tres tunel.
 
 destudafuech S. Cristina