Trail
16 Dezember 2019 Ajorné da les 08:40
Ambient

​La gran manacia dal crëp

Brienz/Brinzauls: n paisc co i vá adancuntra a na gran catastrofa

Tal Ciantun das Grijuns é n picio paisc tal prigo de gní sbürlé demez: Brienz Brinzauls
de mt
Credic © Wikipedia Imaja idilica: da na pert pormez ne vëigon nia le prigo
Imaja idilica: da na pert pormez ne vëigon nia le prigo

Le paisc Brienz/Brinzauls s'arjigna ca ala gran catastrofa: chëra che le paisc tomi jö, che al vëgni fracogné foraijö a funz dla valada. Le paisc é sora la Val d'Alvra (Albulatal), y sora le paisc él n crëp co manacia da gní jö y sbürlé jö y fracogné adöm le picio grup de ciases. Les masses de crëp co é löcres y s'armer tres plü debota é 7 iadi tan gran desco chël co á gaujé la catastrofa de Bondo dan da oramai dui agn. Le paisc de 80 abitanc danter Lenzerheide y Davos é idilich, la jont crüziada mo empó encontonta, ince sc'al é ia do paisc da odëi de gran podruns broderes jö co mostra che le crëp s'armer. Al é n paisc de na tradiziun lungia, nominé le pröm iade tai documonc él belo l'an 840. Belo dal 1877 êl gnü jö bel plan na gran roa: na plaia dal contrada ch'an vëiga dötaurela: 13 miliuns de cubich ea slisores jö laota. 
Le paisc é dötaurela n movimont, deache al é posizioné sön na gran plata co slisorëia, emplü él manacé da n crëp co slisorëia ince (y ciamó deplü) - da dagnora encá, plü o manco: val' zentimeter al ann, nia deplü - cina dan da püc agn. Mo dan da 2-3 agn á le paisc metü man da slisoré cotan plü debota. Sën slisorëia le paisc n meter al ann, le crëp dessora cinamai 4 metri al ann. Sön les gaujes de cösc slöm ne vára nia da dí val' de sogü – mo i sëgns dal gran movimont é da odëi pa deplü frabicac, ince sfësses tai pres mostra che le terac ne stá nia chit. Al podess ester che le movimont dal vers dla catastrofa vëgni plü pegher n dé, mo al é ma na ipotesa. An á na proibziun de frabiché, la proibiziun te jí tal teritor dla roa. Mo cösc ne tin sö nët nia. I geologs arata che 22 miliuns de cubich de material sii n movimont. Con aspetatives dramatiches ch'ara va por fortüna da dí danfora. Belo arjigné ca é le plann d'evacuaziun. Mo sambën é la popolaziun crüziada, desche ince la RTR Radiotelevisiun Svizra Rumantscha á reporté tal telesguard

Details dla cuestiun y dla storia pón lí do avisa te n articul dla Neue Zürcher Zeitung

N'odüda panoramica de Brinzauls, paisc al prigo
 


					

Al podess ince te interessé…


					

De autri articui Ambient