Trail
14 Setember 2019 Ajorné da les 21:14
Sport

Cumbineda nordica

Podium finel per Samuel Costa

Cun n segondo post per Samuel Costa tla tlassifica generela ie a Planica tla Slovenia finà via l Grand-Prix da d'instà de cumbineda nordica.
Credic © trail L podium dl Grand-Prix da d'instà dla cumbineda nordica cun Samuel Costa al segondo post.
L podium dl Grand-Prix da d'instà dla cumbineda nordica cun Samuel Costa al segondo post.
Samuel Costa à desmustrà che l ie bon de garejé plu giut dancà al livel mundiel plu aut. Te duta la set garejedes per l Grand-Prix da d'instà de cubmineda nordica iel ruvà ti prim 10. N dumënia ai 9 de setëmber al finà via la tournee de 15 dis cun l segondo plazamënt te tlassifica generela.

Costa danter i mieures dl mond

Mieur de Samuel Costa ie mé stat l austriach Franz-Josef Rehrl, che à venciù trëi bedaies pra i ultims campiunac dl mond de Seefeld.
Terzo l franzëus Antoine Gerard, cuarto l tudësch Fabian Riessle.

La gran custanza cun trëi resultac de ezezion

I plu biei resultac per l atlet de 26 ani de Sëlva ie stac si prim doi podi da d'instà: segondo a Tschagguns tl Vorarlberg y terzo a Oberhof tl Thüringen. 
Tla prima garejeda a scuadres mescededes à Costa cun l cuartet talian nchinamei venciù.

La sajon da d'inviern possa unì

Ti proscimi doi mënsc y mez possa Samuel Costa y i atlec ladins dla cumbineda nordica se njinië ala garejedes sun la nëif. La copa dl mond scumëncia ala fin de nuvëmber a Ruka, tla Finlandia.

					

Al podess ince te interessé…


					

De autri articui Sport