cuntrat nuef

Lambacher resta danter i trëi taliani tla DEL

L jugadëur de Sëlva juega na segonda sajon cun i Augsburger Panthers tla mascima liga tudëscia

Lambacher resta danter i trëi taliani tla DEL
Lambacher
A Alex Lambacher ti iel unì slungià l cuntrat cun i Panthers de Augsburg y nscì puderal fé si segonda sajon tla prima liga tudëscia, la DEL. Per l jugadëur de 23 ani de Sëlva ie chësc dantaldut n sëni de crëta, coche l à detlarà ala redazion de Trail:

"Bele da pitl me ei for mbincià de pudëi jughé tla DEL y nce sce la prima sajon ie jita mel, ai mpomo tenì su me. Chësc vel danz truep per me".

Si prima sajon tla mascima liga tudëscia ie per l jugadëur de 187 cm per 91 chilo stata curta. Me 18 juesc, ma perchël doi assist. Davia che i Pantheres de Ausgsburg à pudù fé pea la Champions League, ovi tëut ite truep jugadëures te scuadra y se davanië l post sun dlacia ie perchël stat mo plu rie per Lambacher. Canche l ie pona ruvà drët bën n forma se al rot n pe ntan l training y ie tumà ora feter 8 enes.
Canche dassova unì i juesc mpurtanc di play off, ie dut finà via per l virus Corona.

Mo dan Pasca ëssa dassù sucmëncé la preparazion per la proscima sajon, ma l stadio dala dlacia de Augsburg resta śarà per la pandemia y nscì muessa i jugadëures fé la preparazion per si cont, dassëui.
Purempò iel gran crëta che a mez setëmber posse scumëncé la segonda sajon de Alex Lambacher tla DEL.

Scota su Alex Lambacher do che l ti ie unì slungià l cuntrat per na segona sajon cun i Augsburger Panthers: