Ti ultims mënsc à i chemuns de S.Cristina y Ciastel damandà la Pruvinzia che l vënie tëut ite tl plann pruvinziel di mplanc portamont n cunliamënt danter Monte Pana y Mont de Sëuc. Śën ie ruveda la resposta.
L NO dla Pruvinzia
La Jonta pruvinziela de Bulsan ne ova bele de fauré dl 2018 nia azetà la dumanda dl Chemun da Ciastel ajache l ne fova nia unì respetà la ndicazions dl Masterplan Gherdëina. Tla resposta da pert dl Ufize de planificazion teritoriela ti vëniel śën mo n iede ufizialisà ai doi ambolc de S.Cristina y Ciastel, che davia che l Masterplan fova unì sëurantëut dal plann pruvinziel per mplanc portamont, iel da cunscideré de ublianza.
L Masterplan ie da tenì ite
Davia che tramedoi chemuns à te si dumanda fat riferimënt al Masterplan Vision Gherdëina, tol l ufize pruvinziel a cunescënza, che i chemuns vëije ite l respet dl Masterplan. Fosch sun blanch iel śën nce, che la ndicazions dl Masterplan muessa unides respetedes DAN che l'aministrazion pruvinziela valuteie la dumanda, ajache i resultac dla ndicazions ie de gran mpurtanza tla pruzedura. Nscì l scrit dla Pruvinzia.
La lëtra dla Pruvinzia
Da pert dl ufize de cumpetënza vëniel fat al savëi, che la ndicazions dl Masterplan Gherdëina nia respetedes ie trëi:
1) chëla de mëter su na grupa de lëur sëuracumenela che tol ite la grupes nteressedes plu mpurtantes
2) chëla de tré ite la populazion de duta la valeda canche la va de to dezijons sun n cunliamënt di raions da schi Gherdëina y Mont de Sëuc - chësc scebën che la dezijion ti spieta ai chemuns che ie tuchei dala mudazion
3) coche criteres de valutazion zentrei vëniel udù l to ite de na ferata tres Gherdëina te n cunzet de mubiltà y che l proiet vede a una cun chël che se damanda n turism sustenibl tl raion dla Dolomites recunescù dal Unesco.
Trëi indicazions dl Masterplan che se damanda śën truep dai chemuns nteressei a lascé fé n cunliamënt danter Monte Pana y Sautaria sun Mont de Sëuc.
L NO dla Pruvinzia
La Jonta pruvinziela de Bulsan ne ova bele de fauré dl 2018 nia azetà la dumanda dl Chemun da Ciastel ajache l ne fova nia unì respetà la ndicazions dl Masterplan Gherdëina. Tla resposta da pert dl Ufize de planificazion teritoriela ti vëniel śën mo n iede ufizialisà ai doi ambolc de S.Cristina y Ciastel, che davia che l Masterplan fova unì sëurantëut dal plann pruvinziel per mplanc portamont, iel da cunscideré de ublianza.
L Masterplan ie da tenì ite
Davia che tramedoi chemuns à te si dumanda fat riferimënt al Masterplan Vision Gherdëina, tol l ufize pruvinziel a cunescënza, che i chemuns vëije ite l respet dl Masterplan. Fosch sun blanch iel śën nce, che la ndicazions dl Masterplan muessa unides respetedes DAN che l'aministrazion pruvinziela valuteie la dumanda, ajache i resultac dla ndicazions ie de gran mpurtanza tla pruzedura. Nscì l scrit dla Pruvinzia.
La lëtra dla Pruvinzia
Da pert dl ufize de cumpetënza vëniel fat al savëi, che la ndicazions dl Masterplan Gherdëina nia respetedes ie trëi:
1) chëla de mëter su na grupa de lëur sëuracumenela che tol ite la grupes nteressedes plu mpurtantes
2) chëla de tré ite la populazion de duta la valeda canche la va de to dezijons sun n cunliamënt di raions da schi Gherdëina y Mont de Sëuc - chësc scebën che la dezijion ti spieta ai chemuns che ie tuchei dala mudazion
3) coche criteres de valutazion zentrei vëniel udù l to ite de na ferata tres Gherdëina te n cunzet de mubiltà y che l proiet vede a una cun chël che se damanda n turism sustenibl tl raion dla Dolomites recunescù dal Unesco.
Trëi indicazions dl Masterplan che se damanda śën truep dai chemuns nteressei a lascé fé n cunliamënt danter Monte Pana y Sautaria sun Mont de Sëuc.