Trail
13 Auril 2021 Ajorné da les 16:58
Turism

Sajon da d'instà

L turism pudëssa pië via de juni

L minister per l turism dla Talia à cunedì, che l 2 de juni pudëssa vester la data per giaurì i hotiei a livel naziunel. L sarà de bujën de n tëmp per pudëi se njinië ca.
Credic © trail Aldò dl minister per l turism iel realistich pensé a na sajon da d'instà dai 2 de juni inant.
Aldò dl minister per l turism iel realistich pensé a na sajon da d'instà dai 2 de juni inant.
Da coche fej al savëi l minister per l turism Massimo Garavaglia iel realistich udëi l 2 de juni coche di per mëter man la sajon da d’instà. Per planifiché duta l’ativiteies iel mpurtant avëi na data che lasce la dlaurela per pudëi se njinië per tëmp y per pudëi lauré bën ntan l instà.

Tl Sudtirol possa i hotiei giaurì bele śën. Ma na giaurida vën mé tëuta n cunsciderazion da puecia strutures. Zënza la puscibltà de pudëi se muever danter la regions y zënza turisć da oradecà ne se paia per la majera pert di hotiei na giaurida nia.
 
Ncuei juebia domesdi iel udù dant na cunferënza danter Stat y Regions, te chëla che l unirà danter l auter nce rujenà de alesiramënc dla restrizions.

					

Al podess ince te interessé…


					

De autri articui Turism