Śën iel ufiziel: Gherdëina ie la candidata taliana per i campionac dl mond te 8 ani.
Te si reunion de n juebia 9 de setëmber ie tumeda la dezijion. L’autra destinazion che garejova per la candidatura fova Sestriere.
Pra la prejentazion dla candidatura a Milan à rujenà per Gherdëina Rainer Senoner, presidënt dl Saslong Classic Club, l ambolt de Sëlva Roland Demetz, l presidënt dla Lia dl turism de Sëlva Christoph Vinatzer y Igor Marzola, n reprejentanza dla sozieteies di mplanc portamont y coche cumëmber dl diretif dl Saslong Classic Club.
8 a 2 per Gherdëina
Do marënda ie tumeda la dezijion do la rata tlera cun 8:2 ujes.
Śën spera i promotëures de giapé nce la crëta dla federazion nternaziunela FIS per si cunzet de na manifestazion tl sëni dla sustenibltà y inovazion.
Crëta, che la politica pruvinziela à bele dat: Aldò dl presidënt Arno Kompatscher, che à mandà n messaje video, iesun segures “che l ie mesun mëter a jì manifestazions sportives de chësta grandëza nce a na maniera che respetea l ambient y la populazion dl raion”, nsci iel da liejer te na prima tëuta de posizion.
Sustëni à la candidatura nce dai chemuns de Sëlva y Santa Cristina.
L vën crì l sustëni per na manifestazion sustenibla
Per i campionac uniral cialà de nuzé l plu che la va i purtoies y nce la nfrastrutures che ie bele. L proscimo var sarà śën chël de giapé nce l sustëni da pert dla populazion dl raion.
Y fat ora defin ne ie mo nët nia. La dezijion de ulache l unirà a se l dé i campionac dl mond de jì cun i schi l ann 2029 unirà tëuta dala federazion nternaziunela FIS – y chësc permò te n cater ani. Y iló sarà la cuncurënza scialdi sterscia. La streda ie mo longia.
Per Gherdëina fossl i segondi campionac dl mond de jì cun i schi do l ann 1970.
Tlo dessot l report cun la tëutes de posizion de Rainer Senoner, presidënt dl Saslong Classic Club y Roland Demetz, ambolt de Sëlva.
Te si reunion de n juebia 9 de setëmber ie tumeda la dezijion. L’autra destinazion che garejova per la candidatura fova Sestriere.
Pra la prejentazion dla candidatura a Milan à rujenà per Gherdëina Rainer Senoner, presidënt dl Saslong Classic Club, l ambolt de Sëlva Roland Demetz, l presidënt dla Lia dl turism de Sëlva Christoph Vinatzer y Igor Marzola, n reprejentanza dla sozieteies di mplanc portamont y coche cumëmber dl diretif dl Saslong Classic Club.
8 a 2 per Gherdëina
Do marënda ie tumeda la dezijion do la rata tlera cun 8:2 ujes.
Śën spera i promotëures de giapé nce la crëta dla federazion nternaziunela FIS per si cunzet de na manifestazion tl sëni dla sustenibltà y inovazion.
Crëta, che la politica pruvinziela à bele dat: Aldò dl presidënt Arno Kompatscher, che à mandà n messaje video, iesun segures “che l ie mesun mëter a jì manifestazions sportives de chësta grandëza nce a na maniera che respetea l ambient y la populazion dl raion”, nsci iel da liejer te na prima tëuta de posizion.
Sustëni à la candidatura nce dai chemuns de Sëlva y Santa Cristina.
L vën crì l sustëni per na manifestazion sustenibla
Per i campionac uniral cialà de nuzé l plu che la va i purtoies y nce la nfrastrutures che ie bele. L proscimo var sarà śën chël de giapé nce l sustëni da pert dla populazion dl raion.
Y fat ora defin ne ie mo nët nia. La dezijion de ulache l unirà a se l dé i campionac dl mond de jì cun i schi l ann 2029 unirà tëuta dala federazion nternaziunela FIS – y chësc permò te n cater ani. Y iló sarà la cuncurënza scialdi sterscia. La streda ie mo longia.
Per Gherdëina fossl i segondi campionac dl mond de jì cun i schi do l ann 1970.
Tlo dessot l report cun la tëutes de posizion de Rainer Senoner, presidënt dl Saslong Classic Club y Roland Demetz, ambolt de Sëlva.