Trail
19 Otober 2021 Ajorné da les 20:17
Sport

Spartan race

Luca Pescollderungg vize campion europeich

Per l atlet de 30 ani de La Ila se à n sada a Verbier tla Svizra realisà n sëmi: la bedaia d'arjënt pra i campionac eurpeics.
Credic © Spartan Race Europe Luca Pescollderungg (a man ciancia) ie vize-campion europeich tl spartan race.
Luca Pescollderungg (a man ciancia) ie vize-campion europeich tl spartan race.
Luca Pescollderungg de La Ila fej bele dai ani garejedes spartan. L se trata de garejedes de sauté da mont su ulache l ie nce da afrunté rëmes y proves de forza.
Pra i campionac europeics a Verbier tla Svizra à ël fat pea la garejeda tla categoria “beast”, che ie la plu ria, cun n percurs de almanco 21 chilometri y nia manco de 30 rëmes.

Pra la garejeda de n sada 18 de setëmber fovl da fé 1400 metri de deslivel. Pescollderungg à demustrà de vester n gran forma. Mé un n atlet ie stat miëur de ël: l nglëisc Jonathan Albon, che ie, coche nce l terzo tlassificà Albert Soley dla Spania, prufescionist. Luca Pescollderungg alincontra fej la garejedes dlongia si lëur.

Per l atlet dla Val Badia de 30 ani iel n sëmi che vën realtà, si majer suzes, coche Pescollderungg à nce dit ala zaita dla dumënia “Zett”.
Pra la garejeda leprò: si pere Edgar. Śën fina nce bel plan via la sajon dla garejedes. L ie stat na bona sajon, de chëla che ël se lecurderà mo giut.

					

Al podess ince te interessé…


					

De autri articui Sport