Trail
19 Otober 2021 Ajorné da les 20:17
Stories y Mestiers

Instituto Histórico e Geográfico de São Paolo

Reconoscimont por Margherita Detomas

Al é n reconoscimont emportant por nosta colega Margherita Detomas: ara é gnüda mëmbra dal Instituto Histórico e Geográfico de São Paolo (Brasil).
de mt
Credic © trail Margherita Detomas: mëmbra nea dl Instituto Histórico e Geográfico de São Paolo
Margherita Detomas: mëmbra nea dl Instituto Histórico e Geográfico de São Paolo
Por nosta colega Margherita Detomas él n bel reconoscimont: te na zerimonia (tignida por portughesc) i él gnü sorandé ofizialmonter le titul de mëmbra efetiva y de corespondënta internazionala pal Instituto Histórico e Geográfico de São Paolo (Brasil).
Margherita Detomas, redaturia dla Rai Ladinia y auturia dal liber "Città Invisibili" (Casa Editrice Writeup Site, Roma), é la pröma zitadina dla Talia co fej pert de cösc istitut de storia y archirida.
Le Instituto Histórico e Geográfico de São Paolo é gnü metü sö dal 1894 y é sté n protagonist dles archirides storiches y geografiches y (tai ultims tomps) ince ecologiches dal Brasil. L'istitu se dá jö ince con la promoziun de esponënc dal monn dl ert y dla musiga. L'istitut, con n prestisc nazional y internazional alt, á danter sü mëmbri ince personalites desco le cardinal y arzivësco de São Paolo siur Odilio Pedro Scherer.
La zerimonia por tó sö i mëmbri nös, danter chisc nosta colega Margherita, é stada ai 4 de otober.
 

					

Al podess ince te interessé…


					

De autri articui Stories y Mestiers