Trail
19 Otober 2021 Ajorné da les 20:17
Politica y Istituzions

Oblianza green pass

Se cer tampons e (soraldut) personèl per i fèr. Jonta provinzièla

Dan porta la gran müdaziun: l'oblianza dal green pass sön le post de laur.
de mt
watchfolder_TRAIL_TAA_WEB_1514283_1210 JUNTA GREEN PASS.mxf
La junta provinziala s'á dé jö encö dantadöt con l'oblianza statala dal green pass sön le post de laur co jará n forza a livel nazional n vëndres, ai 15 d'otober. An s'aspeta n aumont sostanzial dla domanda de tesć, porchël á la junta provinziala deliberé les mosöres por podëi pité le testing (sambën ma tles modalites reconesciüdes por le green pass) te na mosöra co tleca.
De önn n vers fej les apoteches y les strotöres sanitares ennant i tesć. Al gnará endere ince arjigné ete strades de testing te na cuantité adeguada ince tai comprensors, aladô ch'al sii la poscibilité de fá le test ince tla periferia. Le personal y le material mët l'aziënda sanitara a desposiziun – ince sce le presidënt dla junta provinziala Arno Kompatscher s'an á lascé ete ch'an á val dificulté da abiné adöm le personal, án pö ince tles strotöres sanitares dificultes. I comuns ará l'enciaria da enserí i resultac dai tesć tles banches dates. Por paié les bries sorapro ciafará i comuns mesi finanziars dal fonds statal por les mosöres anticovid.
Le test mëss le zitadin se paié, odü che an á la poscibilité da se lascé fá la variora debann. Tla provinzia de Balsan án dorata trepa jont nia vazinada, porchël ince l'apel de Arno Kompatscher: la maniera plü sciompla y plü sogüda de avëi le green pass é la variora.
La junta provinziala s'á ince dé jö con normes autonomes: ensciö ne se storj la provinzia nia al no de Roma y defënn dan la curt costituzionala na sciomplificaziun por scrí fora proiec sot i 500.000 euro (la renunzia a na poliza d'assügheraziun). Le stat arata che al vëgni istituí na müda tla situaziun de concorënza, mo la provinzia defënn so tru, deache le tratamont é por düc valí y al n'e degünes desvalianzes de tratamont. Ince por l'internet asvelt se para la provinzia y defënn söa dezijiun por podëi tó na strategia co é atramonter co chëra statala.

					

Al podess ince te interessé…


					

De autri articui Politica y Istituzions