Trail
06 Dezember 2021 Ajorné da les 12:40
Cronaca

Nzidënt sun l lëur

Ferides pesoces per n jëun de 19 ani

A Moena se à n laurant giapà ados n parëi de tiera. L ie unì menà cun l joler de sucors te spedel de Trënt. N segondo laurant se l'à caveda cun ferides lesieres.
Credic © vvf Moena Sun l post ie ruvei i destudafuech de Moena.
Sun l post ie ruvei i destudafuech de Moena.
Suzedù ie l bur nzidënt n merdi 23 de nuvëmber ntëur la 10 danmesdi.
I doi lauranc fova mpeniei sun n cantier a Moena.

Aldò de prima nfurmazions se tratovl de lëures pra la cundotes dl’eges pazies. N parëi de tiera dëssa avëi dat do y i doi lauranc ie restei suplìi sotite.
Un di doi, n ël de 45 ani, mé n pert, nsci che l se l’à caveda cun ferides lesieres.

Piec ti iela jita al auter laurant, n jëun de 19 ani. Ël se à fat scialdi mel.
Sun l post iel bele riesc unì adalerch doi ambulanzes y l joler de sucors. I destudafuech de Moena à judà a deliberé l melcapità.

L jëun ie unì menà cun l joler te spedel Santa Chiara de Trënt. L ne dëssa nia vester n pericul de vita.
L segondo laurant ie unì menà te spedel de Ciavalëis.

					

Al podess ince te interessé…


					

De autri articui Cronaca