Trail
06 Dezember 2021 Ajorné da les 12:40
Politica y Istituzions

Restriziuns sorapro

Super green pass: sciö dal guern

Löm vërda dal consëi dai ministri por le pass vert restritif. Le test PCR ne vál por trepes ocajiuns nia plü.
de mt/sf
Credic © Rai Super green pass: le guern á dit de sciö
Super green pass: le guern á dit de sciö
Desch'al ea gnü dit y scrit danfora, i á le consëi dai ministri ensëra dit de sciö al super green pass. Al vá en forza ai 6 de dezëmber y romagn por entant cina ai 15 de jené, con la poscibilité de arlungiamont. Le regolamont y corespogn, sostanzialmonter, al 2g dl'Austria y dla Germania. An mëss ester vazines o varis („geimpft, genesen“) por podëi tó pert ala vita publica. Te bar, restorant, teater, conzert, stadium, fitness ván tl dagní ma plü cun variora o documënt de varijiun. Le test PCR ne vën nia plü reconsciü desco documont por podëi tó pert a manifestaziuns y evënc. Jí a lauré y s'anüzé de sorvisc d'emportanza vitala vá ennant con n test negatif, ensciö adoron le pass vërt ince por le trasport publich (tlo tleca n test). Ince sön la dörada dal green pass á le guern tut na dezijiun: la validité toma do da 9, nia plü do da 12 mënsc. 
Tla Talia é la situaziun miú co te stac ijins desco Austria o Germania, ince deache cotan plü jont s'á lascé fá la variora. Porchël â le guern ince codio pisimé. Mo desche Mario Draghi á detlaré ensëra, ôn n Nadé normal por chi co é vazines.
Le regolamont vá n forza dlunch, ince te raiun blanch, y tai comuns checi (desco Urtijëi y Santa Cristina) romagn le lockdown parzial. 

					

Al podess ince te interessé…


					

De autri articui Politica y Istituzions