Strada statala de Puster

Inzidënt mortal a Vandoies

Sön la strada statala de Puster, plü avisa a Vandoies (Obervintl) él gnü a se le de n inzidënt mortal

Inzidënt mortal a Vandoies
fb/FF Niedervintl
L'inzidënt é gnü a se le dé incö 27 de jená püch do les 8.30 dadoman. Sön la strada statala de Puster, plü avisa sön l'altëza dl "Lodenwirt" é n minibus salté adöm frontalmënter cun n camion. Ince n n'ater auto é intravaié tl inzidënt. 

Öna na porsona é morta sön le post dl'inzidënt, trëi d'atres porsones é ferides. Öna dassën, l'atra n pü' manco y öna á ferides lisieres. 


Sön le post él intergnü la Crusc Blancia, le joler de socurs Pelikan 2, i stödafüch de Vandoies (Nieder- y Obervintl), l'assistënza spirituala y i Carabiniers. 

A gauja dl inzidënt á la strada statala messü gní sarada por podëi romené sö. De conseguënza él gnü a se le de codes y trafich.