Trail
19 Agost 2022 Ajorné da les 14:35
Cronaca

Doi alpinisc dl Belgio salvei de nuet sun l terzo ciampanil dl Sella

I doi à cherdà aiut ntëur mesanuet. I fova sun l terzo ciampanil dl Sella y se ova sbalià a ji ju.
Credic © trail
Ntëur 50 metri sota piza ne fova i doi alpinisc nia plu boni de ji no inant no zruch.
L ntervënt cun l joler ne fova nët nia saurì: l fova scialdi scur y perchël da mëter averda dassënn. Nce cun i aparac da udëi de nuet se à l pilot stentà a valuté avisa la destanza dal parëi de crëp.
I doi alpinisc dl Belgio, ël y ëila, à cherdà aiut tert y oradechël ne dëi nia avëi abù la drëta massaria per na arpizeda sun i ciampanii dl Sella. Cun na corda 40 metri longia iesi unic trac ora dl parëi, ëila cun ferides lesieres, tramedoi cun na gran sperduda. I ie unic julei a Pontives.
 

					

Al podess ince te interessé…


					

De autri articui Cronaca