Credic © trail
I temporai de insëra á slavaté tröp material sön strada. 230 porsones á messü lascé sües abitaziuns
Les gran ploiüdes de insëra á porté a de plü smöies y roes tles valades ladines. Te Fascia á messü 230 porsones dormí aldinfora de sües abitaziuns y dai hotí olache ares ê en vacanza. Ares á podü sté sura nöt te strotöres de emergënza metüdes a desposiziun dala Proteziun zivila a Mazin, Vich y Pera. Al se trata de na mosöra fata por precauziun, dötes les ciases é por le momënt en sigurté.
Te Fascia é i Stödafüs gnüs cherdá por tröc intervënc por i gragn danns guajiá dales ploiüdes adoran ince les drones por monitoré les zones plü atocades. I temporai á porté tröp material sön les strades y dlungia les abitaziuns. Les strada statala 48 é atualmënter indô daverta danter Poza y Ciampedel. Tl Comun de Mazin gnarál ince organisé incö danmisdé n’esplojiun controlada por porté demez n gran pedrun che é n prigo por n valgönes abitaziuns tles vijinanzes. Söl post él ince i geologs dla Provinzia de Trënt y i Stödafüs por analisé avisa la situaziun.
Te Fascia é i Stödafüs gnüs cherdá por tröc intervënc por i gragn danns guajiá dales ploiüdes adoran ince les drones por monitoré les zones plü atocades. I temporai á porté tröp material sön les strades y dlungia les abitaziuns. Les strada statala 48 é atualmënter indô daverta danter Poza y Ciampedel. Tl Comun de Mazin gnarál ince organisé incö danmisdé n’esplojiun controlada por porté demez n gran pedrun che é n prigo por n valgönes abitaziuns tles vijinanzes. Söl post él ince i geologs dla Provinzia de Trënt y i Stödafüs por analisé avisa la situaziun.