Trail
30 Jené 2023 Ajorné da les 18:36
Cronaca

​Arianna Sittoni perd la vita sot a na lovina tl raiun dl Lagorai

L’ëra é n mertesc ai 24 de jená, sot a na lovina tl raiun dl Lagorai. So compagn Guido Trevisan é te condiziuns de sanité ries tl ospedal de Trënt.
de rc
Credic © tgr Arianna Sittoni y Guido Trevisan
Arianna Sittoni y Guido Trevisan
Na lovina á fat indô na vitima tles Dolomites: a perd la vita söl Lagorai él sté n mertesc ai 24 de jená, Arianna Sittoni de 30 agn da Perjen. Ferí dassënn so compagn de schialpinism Guido Trevisan de 46 agn che é ince sté le manajadú por agn dla ütia da munt “Pian di Fiacons” sön Marmolada. La ütia é gnüda desdrüta da na lovina tl dezëmber dl 2020, dedo ál spo metü man da manajé la ütia da munt Caldenave.  
L’ël é sté bun da cherié na sort de bola de aria che ti á pormetü da suravire. L bur tëmp á intardié dassënn les operaziuns de socurs y le intervënt dl joler é gnü archité da na gran novüda. Impormó da sëra é le ferí gnü mené tl ospdeal de Santa Chiara por les cures. Le corp de Arianna Sittoni é gnüda recuperada incö da pert di socoridus dl socurs alpin. L’ëra á ince fat n escurjiun sön la Marmolada propi ai 3 de lugio, le de dla desgrazia cun 11 morc. Te che ocajiun ara schivé la lovina de dlacia y nëi, deache ara ê dal’atra pert dl dlaciá.
watchfolder_TRAIL_TAA_WEB__AR 2501 TGL2200 LEVINES.mxf

					

Al podess ince te interessé…


					

De autri articui Cronaca