Credic © trail
Mikaela Shiffrin, la plü asvelta tla pröma manche
Pro la devënta 83 podess bele incö, mercui ai 25 de jená, gní lapró la devënta numer 84: Mikaela Shiffrin é la plü asvelta do la pröma manche sön la “Erta” tl secunt slalom lerch a Al Plan de Mareo. Al secunt post cun n intardiamënt de 00,51 secunc él da ciafé la svedeja Sara Hector, terza la taliana Marta Bassino cun 00,65 secunc de intardiamënt dal pröm post. Federica Brignone, terza inier, é atualmënter cuinta. La secunda da inier, Lara Gut Behrami, ne á nia fat na buna gara y é atualmënter 12ejima. La secunda manche mët man da mesa les döes.