Credic © trail
Döes devëntes te dui dis: Mikaela Shiffrin ne é nia da bate sön la "Erta"
Inier ara batü le record de 82 devëntes de Lindsey Vonn pro les ëres, incö ara fat n vare inant por arjunje le record de 86 devëntes de Ingemar Stenmark pro i ëi: Mikaela Shiffrin davagna ince incö, mercui ai 25 de jená sön la "Erta" y röia a indöt 84 devëntes te copa dl monn. Secunda a + 0,82 secunc röia la norvegeja Ranghild Mowinckel, che á davagné en domënia le super G sön l' "Olympia della Tofane" t'Ampëz y terza la svedeja Sara Hector cun n intardiamënt de 1,19 secunc. Tomada fora tla secunda manche püces portes dan le travert é Marta Bassino che ê drio a rové söl podest. Insciö á Federica Brignone fat le miú resultat dles talianes rovan otava.
Ince la secunda gara te dui dis é garatada por merit dl'organisaziun otimala y dl bel tëmp che á ince daidé para. Oramai é les gares sön Plan de Corones na tapa da ne ponsé nia plü demez dala copa dl monn de schi alpin.
Ince la secunda gara te dui dis é garatada por merit dl'organisaziun otimala y dl bel tëmp che á ince daidé para. Oramai é les gares sön Plan de Corones na tapa da ne ponsé nia plü demez dala copa dl monn de schi alpin.