Credic © Chiara Mazzel
Medaia d'or por Chiara Mazzel y Fabrizio Casal ai mondiai paralimpics de schi alpin
I mondiai paralimpics de schi alpin a Espot tla Spagna á metü man te na manira otimala por Chiara Mazzel. Adöm cun so acompagnadú Fabrizio Casal ará arjunt le tëmp plü asvelt tla gara de super G inier tla categoria Vision Impaired y davagné insciö la medaia d’or. Al secunt post é rovada Martina Vozza da Monfalcone tl Friul-Aunejia-Iulia adöm cun süa guida Ylenia Sabidussi y al terz post Eva Nikou dala Grecia.
Por Mazzel ne é la prearaziun ales gares di mondiai nia stada saurida, ince deache ara s’á fat na microfratöra al poresc dla man dërta: “Dan le scomenciamënt dla gara nen êi nia sigüda sce la man ess fat me, mo ala fin ne ái albü degun problem. I sun propi contënta de chësta medaia d’or, ince deache le super G é la gara che me sá plü bela”, á dit Mazzel te na detlaraziun publicada dala Federaziun taliana di sporc da d’invern paralimpics. Chiara Mazzel á ince tut pert ai Jüc olimpics dl 2022 a Beijing rovan setima tl slalom.
Por Mazzel ne é la prearaziun ales gares di mondiai nia stada saurida, ince deache ara s’á fat na microfratöra al poresc dla man dërta: “Dan le scomenciamënt dla gara nen êi nia sigüda sce la man ess fat me, mo ala fin ne ái albü degun problem. I sun propi contënta de chësta medaia d’or, ince deache le super G é la gara che me sá plü bela”, á dit Mazzel te na detlaraziun publicada dala Federaziun taliana di sporc da d’invern paralimpics. Chiara Mazzel á ince tut pert ai Jüc olimpics dl 2022 a Beijing rovan setima tl slalom.