Credic © trail
“La bona nutizies ie te chisc tëmpes de crisa plu mpurtantes che mei”, à dit l vëscul Ivo Muser te si ancunteda anuela cun i jurnalisc’ tl zënter pastorel a Bulsan.
Y i jurnalisc’ dëssa dé usc a chëla persones che ne à sceno deguna usc tla sozietà. Muser à nce tëut posizion sun l problem dl abité y dla persones zënza tet: la Dlieja dà bele sën si cuntribut, à dit l vëscul fajan l ejëmpl di servijes che vën pitei a chiche ne à degun albiërch a Bulsan y a Lana.
N cont dla cuestion zitia di caji de abus tla Dlieja à l vescul cumunicà che l vën nvià via n proiet tla diozeja per purté a lum, lauré su y prevenì i caji. Per ciche à da nfé cun la veles provinzieles de chëst ann ie la ghiranza dl vëscul de viers di media chëla de n stil de comunicazion zënza ostilità.
Per ciche à da nfe cun la furmazion di jurnalisc’ à l vescul auzà ora i cursc che vën pitei dala scola auta de teologia y filosofia de Persenon.
I 24 de jené ie la festa de San Franzësch de Sales, patron di jurnalisc’ y l ie l di de ancunteda dl vëscul cun i jurnalisc’.
Y i jurnalisc’ dëssa dé usc a chëla persones che ne à sceno deguna usc tla sozietà. Muser à nce tëut posizion sun l problem dl abité y dla persones zënza tet: la Dlieja dà bele sën si cuntribut, à dit l vëscul fajan l ejëmpl di servijes che vën pitei a chiche ne à degun albiërch a Bulsan y a Lana.
N cont dla cuestion zitia di caji de abus tla Dlieja à l vescul cumunicà che l vën nvià via n proiet tla diozeja per purté a lum, lauré su y prevenì i caji. Per ciche à da nfé cun la veles provinzieles de chëst ann ie la ghiranza dl vëscul de viers di media chëla de n stil de comunicazion zënza ostilità.
Per ciche à da nfe cun la furmazion di jurnalisc’ à l vescul auzà ora i cursc che vën pitei dala scola auta de teologia y filosofia de Persenon.
I 24 de jené ie la festa de San Franzësch de Sales, patron di jurnalisc’ y l ie l di de ancunteda dl vëscul cun i jurnalisc’.