Le sogadú de hockey da denant Leo Insam é mort

Leo Insam é sté un di mius sogadus de hockey dl Südtirol. Al á davagné cun les scuadres de hockey de Milano y cun le HC Bozen bëgn cater campionac talians, al á ince soghé tl’Austria, tla Germania y tl’America dl nord. Implü ál ince tut pert ai Jüc Olimpics dl 1994 y dl 1998. Le HC Gherdëina á recordé sön süa plata Facebook che Insam ê na porsona tres de bun cör y che al gnará recordé por süa personalité da orëi bun sciöche ince por sües prestaziuns ezelëntes sön la dlacia. Le HC Gherdëina ti fej les condolianzes  te chësc ri momënt de plüra a döta la familia y a düc chi che le á conesciü.