Per se anjenië al campiunat Alps Hockey Legue ti resta ala scuadres de hockey doi de bon mënsc. Ai 16 de setëmber scumëncia l campiunat riesc cun n derby ladin. I ampezans, campions taliani dl inviern passà ie per l prim juech aspitei a Delba per se museré conta i fascegn. L Gherdëina scumëncia l campiuant ënghe ai 16 de setëmber y chël te si segondo stadio averser plu daujin: sun l Renon.
La campiunat nuef pieta te si prima fasa, nchin a Santa Guania, sies derbies ladins. La scuadres de Gherdëina y Cortina se anconta ai 12 de utober l prim iede y l prim derby ladin dl jëuf de Sela sarà ai 15 de utober.
De ndut iel 16 scuadres che juega l’otava edizion dla liga alpina. I sovens dl HK RST Pellet Celje ie nueves. Debereida cun I Jesenice, campions dl ultim inviern, iel nscila doi scuadres slovenes, set austraiches y set talianes. Y de chëstes trëi ladines.
Tl ultim inviern ie la scuadra de Cortina ruveda nchin te finela, l Fascia y l Gherdëina se à fermà ti Pre-Playoffs.
Derbies ladins dla sajon regulera
16-09-2023 Fascia : Cortina
12-10-2023 Gherdëina : Cortina
15-10-2023 Fascia : Gherdëina
21-10-2023 Cortina : Fascia
01-11-2023 Gherdëina : Fascia
05-12-2023 Cortina : Gherdëina
La dates dl’AHL 2023/24
16.09.2023: prim juesc de campiunat
18.01.2024: prim juesc segonda fasa
27.02.2024: Pre-Playoffs („best-of-3”)
05.03.2024: serie cherc de finela („best-of-7”)
21.03.2024: serie semifinale („best-of-7”)
06.04.2024: serie finale („best-of-7”)