Le radar porvé fora sön la Marmolada é n stromënt che podess ester de öga por monitoré tl daugní le dlaciá y verifiché la presënza d'ega. Ala proa cun la scuadra de joleri dla provinzia de Trënt á tut pert raprensentanc dla proteziun zivlia adöm a inrescidus dl'université de Trënt.
I dac che an á podü cöi adöm cun l'aparat gnará sëgn analisá plö avisa te université, por capí ince tan inant che ara se trata de n strumënt che an podará adoré tl daugní por monitoré la situaziun dl dlaciá. L'inrescida é impormó te na prüma fasa de proa, mo sce le resultat ess da ester positif pudess l'aparat radar ince gní metü sö y juré sön na drona.
Sciöche por les lönes de Iupiter
Le prinzip de chësc aparat é le medemo, naturalmënter cun d'atres dimensciuns, dl radar Rime (Radar for Icy Moon Exploration), le radar spazial ideé da n team de scienziá internazional sot ala direzun de Lorenzo Bruzzone, professur dl'université de Trënt. Atualmënter é chësc radra söl iade sön la sonda Juice in direziun dles lönes de Iupiter, olache al dess ruvé adalerch tl 2030 propi por verifiché ci che al é sot ala spersa de dlacia, scrí la Provinzia de Trënt te n comunicat.