La cherdada do aiüt é rovada en mertesc incër les trëi domisdé, do che n’ëra é tomada jö por zirca diesc metri sön le tru 18 che porta sön le Col Cornon tl grup dl Latemar tla val de Flëm. Porvia dles condiziuns meteo complicades ne á le joler de socurs nia podü arsí söl post dl inzidënt, mo á lascé jö tles vijinanzes cater socoridus dla staziun de Moena dl Socurs Alpin y Speleologich dl Trentin.
Le grup de socoridus á arjunt l’escurscionista de 64 agn che se á fat me y dui compagns n’ora y mesa dedo. Do les prömes cures söl post é l’ëra gnüda portada por n’ora sön na barela al post, da olache le joler podo pié ia. La porsona ferida é gnüda portada tl ospedal de Santa Chiara de Trënt cun de plü ferides.
L'intervënt é jü inant cina che al é gnü scür. (Socurs Alpin y Speleologich Trentin)