Broken Islands de Eduard Demetz con l'Artemis Quartett

Danfora le Reiterquartett plajor y plën de humor de Josef Haydn, ala fin Robert Schumann, y danter le classich y le romantich ete le toch nö y inovatif de Eduard Demetz:
le cuartet "Broken Islands".
L'Artemis Quartett, önn dai mius dal monn, â dal 2015 scrit fora n concurs por cuartec por strumonc a archët, danter les 129 composiziuns menades ete ál chiri fora chëra de Demetz.
 
Le cuartet de Demetz á - tl'analogia al'archipel dles Broken Islands, dan Vancouver (Canada) movimonc cörc con danter ete spidic zonza evoluziun, "graní".
Desco n'isola á vigne movimont n profil compostif por se y podess sté da su, mo á empò relaziuns con i atri movimonc. 

La composiziun é da corusc, con trepes müdaziuns, contrastaziuns estremes ince te tesciü, ritmaziuns, tecniches de soné, con na gran arcada dal pianissimo filigran cina al fortissimo con glissandi o sforzati: na composiziun prismatica y dër ria da soné.
 
Le cuartet, co é gnü esegui por le pröm iade dal 2016 tla Philharmonie a Berlin, é ai 11 de novëmber sté da aldí a Balsan, tal cader dla sajun dal Konzertverein, tl'intepretaziun brilianta dal Artemis Quartett.

Tlo dessot ince le link al report radio dl 11. nov. 2018 (notiziar dles 13.30) 

https://www.rainews.it/tgr/trail/audio/2018/11/tra-Eduard-Demetz-Artemis-Quartett-1baef362-3e0a-473d-a032-bb8b7d059560.html