"Ala uma ti spacheste l'brac´…a me l'cör"

Canche mituns mëss vire y odëi situaziun de violënza fisica, verbala y psicologica te familia.

Te chisc caji baiun de violënza assistida. Y la violënza assistida è n'dann por l'svilup di mituns.  
Tla Talia vëgnel reporté de 400 mile caji de violënza assistida ti ultims agn y chësc numer, è ma la piza dl iceberg, chisc è ma i caji gnüs a lüm. Tröc´d'atri, s'ascogn anter i 4 mürs de ciasa y ne passa nia sura l'limo dla porta fora. 
Fondamental fossl, da rumpí l'chît, mo gonot vëgn düt scuté ia. Mo spo, co fá da s'intëne? 
Tl raiun Sozio Sanitar a Picolin ie stata na sëra d'informaziun sun chësc agrumënt.
L 'referat è gnü metü a jí tla cornisc dla mostra de Stefania Spanó, che i dá usc ala violënza assistida tres dessëgns. Le raiun Sozio Sanitar ó cun chësta scomenciadia, lascé zoruch n'sëgn tler.
Mituns vëiga y mituns alda. Canche l'amur pó fá mé.