Trail
10 Dezember 2018 Ajorné da les 19:23

faturaziun eletronica: da jené enant d'oblianza

Dai pröms de jené enant sarál l'oblianza dla faturaziun eletronica: por l'economia él na gran müdaziun, co comporta ince val dificulté dantadöt por les dites mëndres.
de Mateo Taibon

Da jené enant mess dötes les fatures gní dades ete (te n format aladô) tal sistem eletronich dl'agentöra dles cultes. Le stat ô ensciö controlé les fatures belo atira por smendrí l'evajiun fiscala.
Por fá les fatures eletroniches adoron n software o la plataforma dl'agentöra dles cultes. Les bries y la complessité dles operaziuns sará maius co atualmonter, porchël endere po la fatura jí diretamonter tla contabilité. Cina ala fin de setëmber ne gnarál nia fat multes, cösc por sauridé la müdaziun y nia sprigoré i contribuënc.
Al é ince la critica che le stat, co se stonta da controlé l'evajiun fiscala, i ciaria sö na pert dal laur de control (con trepes bries co s'enjunta a na bürocrazia belo complicada) al contribuënt. 

Les fatures eletroniches pon fa tres computer, tablet o fonin.

Al podess ince te interessé…

De autri video Economia y Laour