Trail
14 Setember 2019 Ajorné da les 21:14
Spetacul

Giorgio Moroder tl parch naturel? Na idea che descëida discuscions

De auril dëssa tl parch naturel de Paneveggio unì a se l dé n cunzert. "Massa fuera", dij la ujes critiches

I cunselieres de "Futura", Lucia Coppola y Paolo Ghezzi, à prejentà na nterogazion per capì ciuna che ie la minonga dla aministrazion provinziela. L DJ set de Giorgio Moroder ie udù dant ai 7 de auril sun Piza Tognola. Te chësc raion chierun na sinergia danter persona y natura respetan la fauna.Te n ambient da mont tan a risch pudëssa dantaldut i dezibel dla mujiga avëi n mpat negatif sun l ecosistem. Te chësc cajio, scrij inant i 2 assessëures, ne dëssa la mont nia vester n luech da sfruté economicamënter, ma n dëssa cialé de chisc raions y respeté l ambient. L chemun de Primiero, la lia dl turism y l assessëur provinziel al turism vëij la manifestazion de bon uedl. L mancia mo la autorisazion dl parch naturel, ma bele sën vëniel vendù la chertes de ntreda.

					

Al podess ince te interessé…


					
						

De autri video Spetacul