Trail
25 Mei 2019 Ajorné da les 11:28

La Union di paures à lità l diretif nuef

Pra la tlausura a Terlan ie Leo Tiefenthaler inò unì lità sciche sëurastant per i 5 ani che vën

Leo Tiefethaler fova l unich candidat per la ncëria y à giapà 477 de 522 usc - l 91%. Vizesëurastanc ie Bernhard Burger y Daniel Gasser. Sciche raprejentant ladin tl diretif ie unì lità Walter Trebo de San Martin. 
Ntan i 5 ani che vën uel Tiefenthaler purté inant i nteresc dla populazion da paur. Cuntënc iesun cun ciche n à arjont tl ciamp soziel. De mpurtanza saral purté ite mpulsc per i details dla lege urbanistica. N auter ciamp de mpurtanza ie chël dla politica europeica: deberieda cun unions dai paures ujines saran leprò pra la tratatives per la politica agraria dl'Union Europeica per arjonjer n majer sustëni per l'agricultura da mont.

Al podess ince te interessé…

De autri video Politica y Istituzions