Trail
20 Setember 2019 Ajorné da les 17:36
Ert y Cultura

N ladin a Unieja

Ai 11 de mei à giaurì la 58ejima bienela d'ert a Unieja. Chëst'ann iel nce leprò n lëur de Simon Perathoner de Urtijëi.

Unieja ie inò capitala dl'ert contemporanea: tla bienela mët ora artisc' da dut l mond. 

Danter la operes metudes ora nen iel trupes che trata de tematiches atueles, coche chëla dla berca jita sot l ann 2015 dan la costa de Lampedusa, per fé pensé do sun la migrazion.

Nce Südtirol ie prejënt sun la 58ejima bienela: sun la ijula de San Servolo iel metù ora n bivach uriginel, che ie unì traspurtà dala Elpes al mer. L bivach ie ntitulà a Günther Messner y ie unì metù a disposizion da si fra Reinhold. 
Nchin ai 30 de setëmber pieteral albierch ala operes de set artisc' danter chisc nce Simon Perathoner de Urtijëi che mët ora "Tautology" cun la formula chimica dl Dolomit taieda ora te n bloch de sas.

La bienela d'ert de Unieja resta davierta nchin ai 24 de nuvëmber.

					

Al podess ince te interessé…


					
						

De autri video Ert y Cultura