Trail
20 Setember 2019 Ajorné da les 17:36
Politica y Istituzions

Ampëz y Codroipo, jumblins tla cultura

Reprejentanc dla Union di Ladins de Ampëz ie stac ghesc' a Codroipo tl Friul per na jumblinanza culturela.

Doi dis dedichei ala cultura y a rafurzé i liams danter doi comuniteies, chëla de Codroipo tl Friul y chëla de Ampëz: Te na zerimonia ufiziela tla sala dl cunsëi de chemun à l ambolt de Codroipo Fabio Marchetti y la presidënta dla Union di Ladins de Ampëz Elsa Zardini sotscrit na acurdanza per na cunlaurazion culturela plu strënta.

L'idea dla jumblinanza ie nasciuda l ann passà n ucajion dla prejentazion a Cortina dl liber "Fili di Seta" dla scritëura furlana Bruna Chiarcos, che à descedà la ulentà de cunlauré deplù per valorisé la rujeneda, la storia y cultura ladina y furlana.

Sun l prugram dl'ancunteda fovl nce na vijita a Villa Manin a Passariano cun la inaugurazion dla manifestazion "Sapori pro loco 2019", na scumenciadiva che ie pert dl'ena dla cultura dla sozietà filologica furlana.

					

Al podess ince te interessé…


					
						

De autri video Politica y Istituzions