Trail
26 Jugn 2019 Ajorné da les 21:47
Politica y Istituzions

L vën laurà a var plën

L zënter de Sëlva giaperà n cialé ora nuef. Ma ntant vëniel laurà dassënn. Per i zitadins y nce per i urganisadëures de de majera manifestazions uel chësc al mumënt dì ji ite te cumpromisc.

Al uedl dl usservadëur se prejënta Sëlva coche un n gran cantier. Danter la sajons cëla uniun de nuzé l tëmp l miec che la va per finé vel lëur. Y un di majeri cantieres tl zënter de Sëlva ie chël dl garasc nuef che l Chemun lascia fé.

L cantier dl garasc curì per l inviern

Nce sce n ie mpue tardives, pervia dl rie tëmp che ie stat d'ansciuda, ie l ambolt Roland Demetz otimistich, che l garasc puderà unì curì mo dan la fin dl ann.

L garasc ne ie nia l unich gran proiet publich che vën fat al mumënt - l vën laurà te plu posc'.

Nia mé lëures publics, ma nce truep cantieres privac

Nce i privac cëla de finé de frabiché per l mëter man dla sajon da d'instà che ie urmei dan porta. Y ntan la sajon auta ne saral nia plu mesun fé de gran lëures.
Mé l Chemun nstës ne sarà nia tucà dala pruibizion de giavé grunt ntan la sajon auta. N cëla de ji inant a var plën ntan dut l instà per pudëi finé per tëmp.

Deficulteies per i zitadins y per la manifestazions

De gran lëures amesa l zënter porta nce deficulteies per la populazion - la proscima ndesfideda sarà bele ai 15 de juni la manifestazion Hero Südtirol Dolomites. 

L durerà mo n pez nfin che dut sarà finà. Per ntant val de bujën dantaldut de una na cossa: pazienza. 

 

					

Al podess ince te interessé…


					
						

De autri video Politica y Istituzions