Trail
16 Dezember 2019 Ajorné da les 08:40
Scienza y Tecnologia

4 milions de euro per la tueda scientifica

La Jonta pruvinziela dl Südtirol uel nvestì nce tl daunì tl ciamp dla nrescida scientifica.

L fin ie chël de renfurzé i zëntri de nrescida provinziei y dla Euregio te duc i setores: dala tecnologia ala scienzes umanes. L budget per i proiec che damanda n finanziamënt ne daussa nia vester sëura i 300.000 euro cun n tëmp de nia plu che 30 mënsc. Aldò de Vito Zingerle, diretëur dla ripartizion pruvinziela, unirà i proiec prejentei valutei a livel nternaziunel y nia local, uel dì, che i unirà mandei a spezialisc' ora per l mond per n check.

L nvestimënt tla tueda fej te Südtirol ora l 0,7% dl Pil

Chël ie scialdi de manco respet al 3% udù dant dala normatives europeiches. La pruvinzia de Bulsan ie danora tla tlassifica naziunela dla cumpëida de jëuni studiei che va a crì da lëur oradecà. Perchël vëniel da n valgun ani incà fat de gran sforc cun la università che ie unida metuda su a Bulsan, cun l sustëni de enc de tueda te Südtirol y cun la istituzion dl parch tecnologich Noi Tech Park. Ma l resta mo truep da fé.
La provinzia finanziera nce proiec de mobilita internaziunela per jeuni che fej tueda te universiteies oradecà.

					

Al podess ince te interessé…


					
						

De autri video Scienza y Tecnologia