Trail
23 Messel 2019 Ajorné da les 13:34
Ert y Cultura

Mparé la rujenedes belau per juech

La publicazion nueva per mutons "Das große Südtirol Wimmelwörterbuch" mostra su duta la richëza de rujenedes de nosc raion.

Dizioneres ilustrei, cun chëi che i mëndri possa mparé paroles de basa de rujenedes desferëntes ie for inò damandei - la cësa editëura Athesia à sën dat ora n dizioner nuef, ulache la paroles ie nce scrites per ladin.

1450 paroles te 5 rujenedes

L ie la prima publicazion de chësta sort te bën cin rujenedes: tudësch, talian, nglëisc, ladin dla Val Badia y ladin de Gherdëina.
La traduzion dla paroles tl ladin ie unida cureda da Ulrike Maierhofer per la pert tl gherdëina y da Daria Valentin per la pert dl idiom dla Val Badia, cialan de adurvé na rujeneda da uni di.

Na rujeneda daujin ala realtà

La rujenedes ie na gran richëza. Cun l dizioner ilustrà possa mutons bele da pitli insù mparé a cunëscer la particulariteies dla realtà multilinguala de nosc raion.

L nteres per la rujeneda ladina

L bel ie, che l'Athesia à fat chësc liber nce cun la paroles per ladin, ajache l ie stat truepa dumanda propi do n tel liber, cun chël che n possa se fé na basa de lessich nce tla plu vedla rujeneda de nosc raion.

					

Al podess ince te interessé…


					
						

De autri video Ert y Cultura