Trail
24 Agost 2019 Ajorné da les 09:51
Savei y Saours

Na sëira per la gastronomia locala: "La Pli te taí"

La bela sëires da d’instà pieta na curnisc sun mesura per d’uni sort de manifestazions alalergia. La Pli de Mareo à nvià a n apuntamënt gastronomich nuef: "La Pli te taí".
de Concetta Bonaldi

Tl zënter de La Pli de Mareo iel unì njinià cin uties de lën, ulache n pudova ciarcë d'uni sort de spezialiteies tipiches da paur. 
La manifestazion ie unida metuda a ji dala jonëza de La Pli n cunlaurazion cun la unions desvalives dl luech, sciche l cor de dlieja, la uniun dles patrones y i scizeri.

La prima edizion à abù suzes

La jënt unida da daujin y da dalonc à pudù ciarcë spëisa tradiziunela sciche turtres, fortaies, föies mores, canci blanc, panicia y balotes y golasc - l dut njinià ca dala jënt dl luech.
Nce i turisc' à giapà na cëria de chëla che ie la spëisa da paur ladina. Y à sapù da la aprijé dassënn. 
Nia mancë ne pudova mujiga de bona ueia.

L "bis" ai 30 de agost

La Lia per l Turism de Al Plan - San Martin sustën de plën la scumenciadiva, che ie tl medem mumënt nce na bela festa dl paesc.
 

					

Al podess ince te interessé…


					
						

De autri video Savei y Saours