Trail
11 Dezember 2019 Ajorné da les 19:56
Ert y Cultura

100 agn Lia Rumantscha: le profil y n picio confrunt

Le festival por i 100 agn dla Lia Rumantscha é n‘ocajiun por i ciaré al profil de söes ativites y de söes idees sön le dagní, mo ince por fá n picio confrunt con la Ladinia.
de Mateo Taibon

A Zuoz tl Engiadina vëgnel tigní n festival por esploré aspec desvalis dla Lia Rumantscha, co é gnüda metüda sö desco lia tët dles uniuns por le ladin grijun y é gnüda söa istituziun culturala zentrala: ala Lia Rumantscha i él gnü afidé cuestiuns essenziales dla mendranza, ince les strategies por so soravire.
Tai Grijuns án n teritor ladin framenté con trec paisc bilinguai, emplü vir milesc tla diaspora. Les desfides prinzipales por le dagní é porchël le bilinguism y le soravire de lingaz y cultura fora dal teritor tradizional. Tlo articulëia la Lia Rumantscha ieranzes vijionares por na mendranza.
Con la lege sön i lingac dal 1994 él gnü garantí che n paisc vën reconesciü desco rumantsch ince sce le rumantsch é ma plü al 40 %. La realisaziun endere n'é nia tan enant desche la Lia Rumantscha oress.
La Lia Rumantascha é ativa tai ciamps de formaziun y ediziun, planificaziun linguistica y traduziuns, mo ince tl impëgn politich por la mendranza - na desvalianza emportanta respet ai ladins dles Dolomites, desche na delegaziun dla Union Generela di Ladins dla Dolomites á constaté.

					

Al podess ince te interessé…


					
						

De autri video Ert y Cultura