N lecort ala ferata de Gherdëina
Sun Col da Brida vëniel laurà dassënn: mo dan l inviern sarà la plaza dai juesc fineda. Ulache l ie bele dai ani na luegia da fé damat, uniral sën na plaza mo plu bela y funzionela.
La plaza nueva arà doi pertes: una cun juesc y l'autra na pert de gheneda per paussé.
Na luegia plëina de nchersciadum
Sun Col da Brida iel bele dai ani na plaza dai juesc. Plu da giut fovl iló nce la vedla locomotif dla ferata de Gherdëina, propi iló, ulache la ferata ie passeda l'ultim iede l ann 1960.
I juesc che vën sën metui su ie dedichei ala vedla ferata y tën vif l lecort ala stazion dla ferata de Urtijëi.
N lëur che à priorità
L proiet vëij dant de majeri ntervënc sun la promeneda, che vën spusteda ntëur i juesc via y dedora pert uniral nce fat lueges da ti cialé al luech cun banc y mëises.
La lerch per i mëndri, per la families y la jënt de tëmp ti stà a cuer al'aministrazion de chemun y perchël ti an nce dat priorità permez a d'autri lëures.
N luech da stravardé
Cie che fej mpue mel al'aministrazion de chemun, ie che la plaza dai juesc ie plu suënz unida danejeda. Da sëira y de nuet vëniela nce nuzeda da jëuni. Ma vel un defin zënza fundamënt. Per jì contra chisc ac de vandalism uniral metù su telecameres, che tol nce su de scur.
Na atrazion per jënt da tlo y per turisc'
Per la plaza nueva iel udù dant n custimënt de 300.000 euro, che unirà spartì su danter Chemun y lia per l turism.
Na luegia plëina de nchersciadum
Sun Col da Brida iel bele dai ani na plaza dai juesc. Plu da giut fovl iló nce la vedla locomotif dla ferata de Gherdëina, propi iló, ulache la ferata ie passeda l'ultim iede l ann 1960.
I juesc che vën sën metui su ie dedichei ala vedla ferata y tën vif l lecort ala stazion dla ferata de Urtijëi.
N lëur che à priorità
L proiet vëij dant de majeri ntervënc sun la promeneda, che vën spusteda ntëur i juesc via y dedora pert uniral nce fat lueges da ti cialé al luech cun banc y mëises.
La lerch per i mëndri, per la families y la jënt de tëmp ti stà a cuer al'aministrazion de chemun y perchël ti an nce dat priorità permez a d'autri lëures.
N luech da stravardé
Cie che fej mpue mel al'aministrazion de chemun, ie che la plaza dai juesc ie plu suënz unida danejeda. Da sëira y de nuet vëniela nce nuzeda da jëuni. Ma vel un defin zënza fundamënt. Per jì contra chisc ac de vandalism uniral metù su telecameres, che tol nce su de scur.
Na atrazion per jënt da tlo y per turisc'
Per la plaza nueva iel udù dant n custimënt de 300.000 euro, che unirà spartì su danter Chemun y lia per l turism.