Trail
14 Dezember 2019 Ajorné da les 19:10
Scola

Consulënza prufescionela de prima man

Cie fé do l ejam de maduranza? Jì a studië, zapé ite tl mond dl lëur o se goder n iede n pez la lidëza? Per ti dé mpue de urientamënt ai sculeies dla cuinta tlasses à la scoles autes de Gherdëina metù a jì n di de consulënza.
de Martina Rier

L ie l mumënt che uniun anconta dant o do te si vita: chël, ulache l ie da to la dezijion de cie viers jì tl mond dl lëur. Per pudëi se to n valgun cunsëies pratics, à l Istitut Tecnich Economich Raetia y l Lizeum d'Ert Cademia nvià reladëures che à cuntà si esprienzes persuneles.

Nia duc à bele la ideies tleres

Cun truepa portes daviertes ne iel nia for saurì a savëi de ciun viers che la streda dëssa jì. 
Per abiné si streda muessa uniun dant abiné sé nstës. Na consulënza possa judé.

N'ancunteda cun mestieres desferënc

L'ancunteda cun persones che à bele abinà si post tl mond dl lëur ie unida tëuta su drët bën dai sculeies, drët nteressei ai aspec desferënc che ie unic purtei dant.

Unfat sce n jirà a studië, sce n zaperà ite tl mond dl lëur o sce n se tulerà n iede tëmp per sé nstësc. L mpurtant ie cialé cun la drëta mutivazion tl daunì.

 

					

Al podess ince te interessé…


					
						

De autri video Scola