Trail
20 November 2019 Ajorné da les 08:22
Sport

Flëm inò l zënter dla Talia dl schi nordich

A Milan iel unì prejentà la garejedes de Copa dl Mond de schi nordich sun l calënder chëst'inviern. Ndut 12 garejedes te 10 dis iel sun l prugram.

L prim apuntamënt sarà la Tour de Ski dai 3 ai 5 de jené 2020.

Ma chësc ne ie giut mo nia dut chël che i apasciunei dl schi nordich possa se aspité ntan la sajon da d'inviern che vën: 10 dis y 12 garejedes de schi nordich per la Copa dl Mond ie unic prejentei a Milan.

La cuna taliana dla disciplines nordiches

La Val de Flëm ne à nia mé na tradizion longia tl schi nordich, ma nce na gran esperienza tl mëter a jì de gran avenimënc sportives, sun chëi che l se ncunforta nia mé i atlec de cësa, danter ëi nce Caterina Ganz y Samuel Costa, che fova prejënc a Milan pra la prejentazion ufiziela.

Dal Tour de Ski de viers di juesc olimpics

L Tour de Ski unirà a se l dé dai 3 ai 5 de jené. N'ena plu tert dai 10 ai 12 de jené ti dajerà la nëives de Flëm la lerch ala cumbinazion nordica y ala garejedes de saut. 
L sarà la drëta ucajion per sentì bele mpue d'aria di juesc olimpics dl 2026.

Mumënc nostalgics

Ntan i dis de garejedes sarà prutagonist nce Cristian Zorzi, cun na rievocazion dla prima finela sprint olimpica a Salt Lake City. Cun Hetland, Schlickenrieder y Lind unirà lecurdà 20 ani do, la ndesfideda storica dl 19 de fauré del 2002. Chësta manifestazion unirà a se l dé tl cheder dl Tour de Ski ai 4 de jené.  

					

Al podess ince te interessé…


					
						

De autri video Sport