Trail
20 November 2019 Ajorné da les 08:22
Trasporc y Viabelté

Plu segurëza per chëi che va a pé

Sun la stredes vëniel for laurà. Al mumënt iesun a Urtijëi tl lëur de fé da nuef n toch dla streda Roma.

L se trata dl toch dla streda Roma che va de viers dla streda Cuca y cunlieia nscì nce i mplanc portamont de Secëda y Resciesa.

N proiet nia saurì

Giut an abù per lauré ora n proiet che vën sën metù ndrova. La deficulteies fova dantaldut la puecia lerch te chël raion. Purempo iesun stai boni de se la mëter a jì: sun ëur de streda an tëut demez n tel pitl mur y n à nsci davanià na bela lerch per pudëi fé monc n tretuar, zënza messëi jì te grunc privac.

Na streda pitla ma mpurtanta

L ie na streda strënta, longia n 500  metri, ulache trueps passa a pé per jì dal zënter dl luech ala funiculera de Resciesa, ma nce per jì de viers de si cësa ti raions su per chël Piz. Oradechël iel la streda ulache duc i auti che vën dala streda Cuca ju de viers dl luech muessa passé. 

La segurëza ne à degun priesc

Priorità dl proiet ie chël de garantì la segurëza de chëi che va a pé, ma nce cun l auto - segurëza che n uel arjonjer cun n tretuar. 
L Chemun à udù danora per chisc lëures 500 mile euro.

Mo truep da fé

Cun chisc lëures ruven nce mpue plu daujin a na soluzion per la streda Cuca, che dëssa te n daunì unida slargëda. 

					

Al podess ince te interessé…


					
						

De autri video Trasporc y Viabelté