Trail
14 Dezember 2019 Ajorné da les 19:10
Spetacul

La vita de Paris sun la paladines dl Südtirol

La operetta pieta ucajion per se dediché ai mumënc plu lesieres dla vita. Chëst'ann mostra i "Südtiroler Operettenspiele" l pez "Pariser Leben" - cun partezipazion ladina.
de Martina Rier

Da druch y de bona ueia: nsci ne se prejënta nia mé l spetacul sun palch, ma nce l'atmosfera dan la prima reprejentazion.
N se depënj su, n se furnësc y n se njinia ca per l mumënt canche n possa finalmënter cumparì sun palch.

Mpue de aurela curta

La ie la "pitla sor" dl'opera - y la va for a na bona fin. L'operetta mpermët mumënc de aurela curta y ti tira de uedl ala sozietà auta dl tert 1800.
I Südtiroler Operettenspiele porta cun Pariser Leben per l prim iede n lëur de Jacques Offenbach.
Per la paladines de Bulsan y Persenon ie la storia unida adateda cun vel particularità da tlo.

Na storia de suzes de passa 10 ani

Bele dai ani ie Priska Malsiner y Erika Mussner leprò, canche la va de purté dant la stories da druch y da culëures. Per ëiles iel for inò bel a pudëi jì sun paladina.
L pudëi se identifiché cun i personajes ie mé una dla rejons per la resonanza for positiva che i Operettenspiele à bele dai ani pra l publich dl Südtirol.
Nce l gran entusiasm y la legrëza purteda ite dai atëures y ciantarins fej pert dla rezeta dl suzes.

Cun entusiasm purterà l ensemble mpue de atmosfera de Paris mo nchin ala fin de nuvëmber a Bulsan y ntan dut l dezëmber a Persenon.
 

					

Al podess ince te interessé…


					
						

De autri video Spetacul