Trail
02 Merz 2021 Ajorné da les 11:44
Scola

La scoles autes gëura si portes

Pra l di de porta davierta à duc i nteressei la ucajion de ti dé na udleda al'atività fata tla tlasses.
de Martina Rier

Cun l Istitut Tecnich Economich Raetia da una na pert, la scola prufescionela per l artejanat artistich y l lizeum d'Ert Cademia dal'autra - pieta Gherdëina scoles autes de direzions defin desferëntes. Purempò an chëst'ann ulù mëter a jì l di de porta davierta deberieda. 

Na udleda al'atività da uni di

Acioche i nteressei possa se fé n cheder drët realistich di prugrames de nseniamënt, an chëst'ann ulù mustré la scoles zënza scumenciadives particuleres, ma propi nsci coche les ie. La funzion de acumpaniadëures ie unida sëurantëuta propi dai sculeies nstësc, che à menà i vijitadëures tres la scola y tla tlasses y à respundù a d'uni sort de dumandes.

Scoles cun na gran tradizion

Dantaldut l Lizeum d'Ert, cun si storia longia urmei belau 200 ani, ma ti ultimi ani nce l Istitut Tecnich Economich cun si sezion sportiva à fat a na moda che la scoles sibe opzions nteressantes nce per sculeies che vën da ora dla valedes. Gran nteres iel nce for inò per l aspet plurilinguistich dla scoles ladines.

La iscrizions per l ann de scola che vën va dai 15 de jené inant

Scebën che aldidancuei pieta duta la scoles autes na furmazion che lascia daviertes truepa portes per l daunì di sculeies, ie crì ora na scola auta for n var mpurtant. Per vel una o l'auter sculé ie l di de porta davierta povester stat de aiut per to na dezijion. 
 

					

Al podess ince te interessé…


					
						

De autri video Scola