Trail
22 Jené 2020 Ajorné da les 15:51
Turism

N var mpurtant de viers dl daunì

L furnadoia mitica de Ampëz, la Freccia nel cielo, ie unida moderniseda n previjion di campiunac dl mond dl 2021.

Jita n funzion iela bele ai 21 de dezëmber, sën ie l toch nuef dl mplant portamont storich de Cortina unì inaugurá ufizialmënter.

D'instà mëinela dal zënter ampezan nfin sun la Tofana de Meso, fajan n deslivel de passa 2000 metri, che vën superà te 3 toc.
D'inviern ne vala nia nfin suinsom, ma resta na furnadoia mitica. 

N nvestimënt per l daunì

Do 50 ani n funzion ie l prim toch japé dla Freccia nel Cielo, dal zënter dl luech nfin sun Col Druscé, d'ansciuda unì trat ju per l fé su da nuef n previjion di campiunac dl mond 2021. 
La furnadoia vedla purtova 700 perones al'ëura, l mplant nuef à sën na capazità de 1800-2000 persones. Na mudazion mpurtanta per alimenté i putoies y essenziel per purté l publich di campiunac dl mond y plu inant nce di juesc olimpics permez ai evënc. 
L mplant à cabines da 10 posć.

L prim mplant a aganciamënt automatich tl raion ampezan

Cun l mplant nuef vëniel recuperà n ntardivamënt tecnologich, che ie bele riesc unì tëut su drët bën.
Ntan la feries da Nadel ie la nfrastrutura bele unida nuzeda dassënn y possa zënzauter dé n mpuls al'economia tl raion dla Tofanes.

Degun renuvamënt di autri doi toc

Udù dant iel alincontra l cunliamënt dl raion dla Tofanes cun l raion da jì cun i schi Cinque Torri. 
I lëures per fé su da nuef l toch japé dla Freccia nel cielo à custà12 milions de euro, l mez vën da cuntribuc publics liei ai mundiei.

Per Ampëz se gëurel n capitul nuef tla storia turistica de dut l raion.

					

Al podess ince te interessé…


					
						

De autri video Turism