Trail
14 Messel 2020 Ajorné da les 17:28
Sanité

Tesc de Gherdëina: apel a fé pea

Nchin ai 6 de juni vëniel te Gherdëina fat tesc cun tampons y dl sanch per nrescì tanc che ie unic a cuntat cun l virus corona y tanc che à svilupà anticorps.

Do la organisazion di tesc tl zenter de prim aiut a Soplajes iel n gran lëur. “L fossa dret che truepes fajëssa l test,” à dit l coordinadëur Martin Matscher.
“Che velun o velauter ne uel nia jì a fé l test ajache l à tëma che l muessa daldò ste n carantena chësc mostra puecia respunsabeltà de na pert de jënt per l’autra jënt, ajache jì a ti taché zeche dadetel ai autri, chël ne fejen bën dessegur nia”, à dit l’ambolt de Sëlva, Roland Demetz.
Tl lëur de fé i tesc, 300 uni di do program, se cruzia la Azienda Sanitera cun l sustëni dla Crëusc Blancia. Chiche damanda po fé mé la prova dl sanch zënza tampon.

					

Al podess ince te interessé…


					
						

De autri video Sanité