N testimone dla cosciënza ladina tl scumënciamënt dl secul passé

N blasun dla lia de studënc "Ladinia" de "Desproch" é metü fora tl Museum Ladin a San Martin. Al é gnü metü a desposiziun da privac y é n documënt important dla storia di ladins

Sön le blasun él lassura le variöl dl Tirol y le simbol dla dlijia, Ciastel Tor y Ciastel Colz ( por identifiché la Val Badia) y -diagonalmënter  - la bandira ladina. Le blasun ê dla lia  di studënc “Ladinia” de Desproch y va zoruch bonamënter al 1920, aladô de inrescides de Lois Craffonara. Renforzada vëgn chësta teoria da na revista dla lia, olache an ciafa ince motifs dl blasun, insciö ince le medemo LD por "Ladin": na confesciun de identité.